***
მეამაყება, ქართველი რომ ვარ!
ქართველად გავჩნდი ამ ქვეყანაზე!..
რა შეედრება ჩვენს საქართველოს?!
მის სიტურფესა და სილამაზეს!..

ვინ შეედრება ჩვენს ქართლის დედას,
ქართველთ ლეგენდას და სიამაყეს!
ვინ შეედრება მეფე ერეკლეს;
ვაჟას, ილიას, იაკობს, რუსთველს!..

ვის შევადაროთ მეფე თამარი?!
მას ხომ სადარი არა ჰყავს. არვინ!
ღმერთო, როგორი მადლიერი ვარ,
რომ საქართველოს შვილად გამზარდე!
ნუთუ არსებობს კიდევ რაიმე,
ბედნიერება მეტი ამაზე?!