ჩემს სულში ურცხვად ხელებს აფათურებთ
ყველა კუნჭულში მისდებ-მოსდებიხართ
კარგად გამოქექეთ იქნებ სადმე ნახოთ
სულმთლად უნამუსოდ ხომ არ დავრჩენილვარ?!

მიდით აფათურეთ,ყველამ აფათურეთ,
მე ხომ შიზოფრენიკს დავმსგასებული ვარ,
მიდით,მომიცია ამის მე უფლება
მიდით,რაღას უცდით კიდევ არ დავღლილვარ!

იქნებ ნახოთ ჩემშიც რამე ღირებული,
იქნებ ხელიდანაც მთლად არ წასული ვარ,
მაგრამ ვერ მოგართვით-თქვენთვის ღირებული
ჩემთვის ნულია და კიდეც მინუსშია!

მიდით,ჩაიხედეთ ჩემი გულის შიგნით,
თქვენთვის ყველა კარი თავად გამიღია,
თუმცა ამ კარიდან ცხრა მაქვს დაკეტილი
ნუ ცდით მათ შემტვრევას ფრთხილად!საშიშია!

ვახ,რომ უნამუსოდ მაინც გამაშიშვლეთ
ისე,როგორც ქუჩის კახპებს ექცევიან;
მაინც ვერ შეძელით ჩემი დამცირება,
რადგან თვალებში ხომ ვერც კი გიცქერიათ!

ალბათ მართლებიც ხართ-ცოტა გავაფრინე,
რა ვქნა სიგიჟე რომ დამძმობილებია?
თუმცა სამწუხაროდ მე თქვენს ფარშევანგებს
ჩემი ოფოფები ასჯერ მირჩევნია!!