შესვლა
რეგისტრაცია
რეკლამა

აბა რა გითხრა მეგობარო...


3-07-2016, 00:42
ავტორი მარიამი019
ნანახია 1 159

აბა რა გითხრა მეგობარო, ეჰ ძველებურად
ქუჩებში ახლა ვინღა ათევს ღამეს მთვარიანს?!
ასე ნელ-ნელა გავეცალეთ საზიზღარ ბურანს
და სული გვიდგას, სული გვიდგას რაც მთავარია.
რაც მთავარია სამსახური, შვილები, ცოლი,
სახლი და სახლის გარეთ თითქმის სხვაგან არსად ვართ.
გადავეჩვიეთ ღამ-ღამობით ხიდისქვეშ წოლას
და რახანია არ გვივლია გაუპარსავად.
ამდენი საქმე დაგვიგროვდა. დაქცეულ ფანჯრებს
ყოველი ზამთრის დასაწყისში ვამრთელებთ, ვგოზავთ.
ამ უხარისხო ცელოფნებზე რომ დავიხარჯეთ
გამოგვეცვალა დარაბები და თავის დროზე
ამოგველაგმა ღრიჭოები ჩვენს ბუნაგებში,
სადაც დრო და დრო გავარღვევდით გარდმოსულ ბურანს
და ამ კედლებში, საშაიროდ თუ სანუგეშოდ,
ჩვენც, სხვების მსგავსად გვეღრიალა „ის მაინც ბრუნავს“
მაგრამ წითელი ჰაერისგან დაორთქლილ კლაპანს,
ბოჭავდა მძიმედ, სრუტეებში დახშული ღამე
და როცა მოვრჩით გიჟებივით თევზების ყლაპვას,
მლაშე ნაპირზე ამორიყეს ტალღებმა გვამი.
და ასე ვცხოვრობთ, უხმაუროდ და უნიათოდ,
არავინ ათევს აივნებზე ღამეს მთვარიანს.
ვეწევით, ვწვალობთ, ადრე ვწვებით, ვწერთ იშვიათად
და სული გვიდგას, სული გვიდგას რაც მთავარია.


თემურ ელიავა.скачать dle 11.3




სახელი: *
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent