თვალები მისი მნუსხავენ და სულს მიძაბავენ,
და თმების სურნელს მღელვარება გულში შემოაქვს.
თვით ანგელოზნიც კი ამ ქალის ღიმილს ბაძავენ,
მის ლამაზ ტუჩებს აკრძალული ხილის გემო აქვს!
თითები მისი...
მათი ქება როგორ გავბედო?!
თუნდ ერთხელ, მათი ამბორისთვის თავსაც დავდებდი!
ღმერთებო მოდით, სიყვარულის გიხმობთ თავდებად,
თქვით, რომ აქამდე მე ამ ქალის აჩრდილს დავსდევდი!
მისი შეხება - ცეცხლთან ცეკვის არის სადარი
და მონად აქცევს, თვით კუპიდონს - მკერდი შიშველი...
მეც აღარ ვიცი, გული ჩემი უკვე სად არის
ღმერთო მიშველე! მე ვგიჟდები...
ღმერთო, მიშველე...