წამოდი ქალავ წავიდეთ
ავყვეთ გულისა ნათქვამსა
ნუღარ დამიშლი წაგიყვან
შემოგატარებ მთა ბარსა

დაგიწნავ ლამაზ გვირგვინსა
ვით ცისარტყელას ცისასა
დაგიკრეფ ია ენძელას
რომარ წახვიდე სხვისასა

ჩაგიკრავ გულში თბილადა
როგორც ჩიტუნა ნიბლიას
შენი სითბო და ალერსი
დიდი ხანია მინდია

დავანთოთ კოცნის კოცონი
ავუშვათ ცამდინ ალები
ერთსა ისეთსა გაკოცებ
აღარ გამიშვა მკლავები.