უკვე რამდენი წელი გავიდა,
როცა პირველად დაგიწყე ძებნა,
შემოვიარე ათასჯერ გზები,
მაგრამ ათასჯერ თავგზა ამებნა.

ვერ მივაკვლიე ვერსად ნაკვალევს,
სული დაეცა დაეტყო დაღლა,
მაგრამ სიყვარულს რა შეაჩერებს,
კვლავ მივიწევდი მაღლა და მაღლა.

მსურდა მანამდე თუნდ ყოფილიყო,
ეს დასასრული ბედნიერების,
ვეღარ მეხილა შენი თვალები,
ვერ შემხებოდი თბილი ხელებით.

ვგრძნობდი ერთმანეთს როგორ ვკარგავდით,
როგორ გვიკლავდნენ გულში სიხარულს,
მაგრამ ვის ძალუძს ხელი აღმართოს,
და დაემუქროს წმინდა სიყვარულს.?!

თუმცა კი შორს ხარ, ხმას ვერ მოგაწვდენ,
სურთ ვით ჩამქრალი სანთელი ჩავქრე,
მაინც გიპოვი, მაინც მოგნახავ,
თუნდ იმ დღის შემდეგ უკვალოდ გავქრე.