რისთვის გიყვარდი?
მისთვის რომ სევდის უღელს ვერ წევდი დასუსტებული?
რისთვის გიყვარდი?
მისთვის რომ ფიქრებს არ გაეხადე დაღონებული?

ჩემთვის ვინ გახდი?
სიტყვის სიმძიმე.. გრძნობის სიწრფელე, - არარსებული..
რატომ ხარ დარდი?..
რადგან ვფიქრობდი ჩემთვის იყავი დაბადებული..

უძლური გავხდი,,,
შენი ფიქრები ახლაც აღწევენ ჩემს ოცნებებში!
ჩუმი წყვდიადი!
გაყუჩებული,, მაგ მზერით ისრებს მიმიზნებს მკერდში..

კვლავ აკიაფდი..
მე კი ცა გავხდი.. ვარსკვლავად გითვლი სულის არეში..
გადახმიანდი,,,
სხვა სიმი გახდი, სხვა ტონი გახდი, სხვათა მხარეში..

ცოტაც მადროვე!
და გავაყუჩებ შენი სურნელით ნატკენ გვირილებს..
ცოტაც მადროვე!
მივაყურადებ ჩემამდე მოსულ სხვათა ბილიკებს..

გადამიყოლე..
ვეღარ ვიხსენებ შენამდე რაც კი გამიგონია
და რომ გამომყვე?..
რომ არ შეჩერდე,,, ვეღარ მიგიღებ! - არა მგონია!!..