ჩემში აბრაგული სული უნდა შევქმნა
ბანდიტ ქალად მინდა მცნობდნენ, მოსახლენი
უნდა მოვიპარო სითბო, გაზაფხულის
მერე ამ სითბოთი კართან მოგადგები

უნდა მოვიტაცო ცაზე ვარსკვლავები
მზეს უნდა წავართვა სხივის ყველა ფერი
მთვარეს ჩამოვაძრო მე ყველა სონატი
შენთვის მოვიპარო მინდა, ყველაფერი

უნდა მოვიპარო ყველა სიყვარული
უნდა დაგიკრიფო ყველა ზომის გრძნობა
უნდა გადავძარცვო მაისის კვირტები
გულზე დაგამჩნიო ქურდი ქალის ტრფობა

უნდა მოვიპარო მთელი გაზაფხული
მერე ნაქურდალი ხელში ჩაგითვალო
შენზეც გავილაშქრო, კოცნა მოგაცალო
გული წაგართვა და ჩუმად გავიპარო........