მე გეტრფი ჩემო სიცოცხლე
შენ ჩემო გულის ლაჟვარდო
მე შენ მიყვარხარ იცოდე
ჩემო ენძელავ და ვარდო

შენზე ფიქრებში მე ღამით
აღარა მძინავს ლამაზო
როდის იქნება ნეტავი
ეს სიყვარული გაგანდო

შენი ლამაზი ღიმილის
ვარ მოტრფიალე, ეული
და ამიტომაც მივსტირი
შენს სახეს როგორც სნეული

მე მინდა შენი ყურება
ამ სილამაზით დატკბბობა
და თან შენს გულში ჩახედვა
და ამ ყველაფრით დათრობა

და მე ის მინდა რომ იყო
ყოველთვის შენ მომღიმარი
და რომ გაჩუქო შენ სითბო
რომ აგიხდინო სიზმარი

მე მინდა შენს პატარა ტანს
მივუძღვნა დიდი ლექსები
და მინდა შენს პატარა თათს
რომ ამშვენებდნენ ბეჭდები

მე მინდა ერთად ვიაროთ
და რომ ვერავინ გაგვყაროს
ქვეყანა შემოვიაროთ
და მე რომ ყველას ვანახო

როგორ მიყვარხარ სიცოცხლე
შენ ჩემო გულის ლაჟვარდო
ნეტავი ეს შენც იცოდე
შენ ჩემო იავ და ვარდო