მემღერება სიმარტოვის ჰანგები
ნაბიჯს ავრევ,მაინც გზაზე დამხვდები
უმომავლოდ დარჩენილი ბავშვები
ვებრძვით წარსულს ,გრძნობებს ვეთამაშებით
ხეტიალში გაპარული ეს წლები
დასასრულის დასასრულს ვეღარ ვცდებით
მე მოვპარე და წავართვი ფერები
წერტილს ვუსვამ,ხელმოწერილ ჩვენებით
ხომ გითხარი გულს ხშირად ნუ ნებდები
რავიცოდი დღემდე ბრალს თუ მე მდებდი
თურმე ჩუმად წყვდიადს რომ მაპარებდი
ეკლის გვირგვინს ჯიბით თუ ატარებდი
არ ვთხოვ მსაჯულს მომიტევოს ცოდვები
და განაჩენს ღიმილით ველოდები.