შეიძლებოდა რომ შეცვლილიყო
ფიქრები ახლა დარდს რომ ახურებ
მე შემიძლია ისეთი ვიყო
შენ რანაირსაც დამიმსახურებ.
ვიქნები თუნდაც გაფრენა წამის
წარსული დროის... არდაბრუნების
და შენი გულიც... რომ გასკდეს ლამის
და ფოთოლცვენაც წესი ბუნების.
შენ თუ ისურვებ ვიქნები ნოტი
შენთვის ნაცნობი მელოდიიდან
გაუგზავნელი წერილიც წლობით
რომ ელოდება მკითხველს დილიდან.
ვიქნები შენი ყოველი დილა
ბანალური და ჩვევად ქცეული
ასწლოვანი ხეც რომელიც ჩრდილავს...
ფურცელნაკლული ძველი რვეულიც...
მოგონებები ვიქნები ძველი
აგიშლი ფიქრებს დარდის მსახურებს
ბნელში ვიქნები გაწვდენა ხელის
ან "შენ როგორსაც დამიმსახურებ"