ვადაგასულ დღეებს ვითვლი მერამდენეს
შემაბეზრეს აშარებულ ფიქრებმა
რატომ ვთელე შარა გზები სინანულის
ვერ ვისწავლე ჭეშმარიტის მიგნება
სიტკბომ ისევ გამამწარა მოგონების
როცა კვალი მხოლოდ ერთი შემეჩვია
გადახუნდა იმედები მომავალის
მათამაშებს სიყვარულის ილუზია
ორ გზას შორის უფსკრულს ვხედავ ჭაობიანს
რომელს მივყვე, ნაბიჯები ამერია
ჩამომტყდარი საფეხური ბეწვის ხიდის
ირგვლივ მხოლოდ ცარიელი ჰაერია
როგორ ვენდო ერთნაირად ამდენ გრძნობას
ჩემთან მხოლოდ სიმარტოვის კარებია