თანახმა ხარ? მოიყვანო ცოლად
სიყვარულში არ იცოდე ზღვარი
ერთი ლუკმა, მისთვის გაყო ორად
ჭირშიც, ლხინშიც, იყო მისი ქმარი
რომ გიყვარდეს ქუჩა, სადაც ივლით
უკოცნიდე თვალებს, ცრემლით ნაბანს
პატიობდე რასაც გულით ჩადის
ყოველ ღამე უსწორებდე საბანს
თანახმა ხარ? უერთგულო სხვასთან
იყო მამა, ყველა მისი შვილის
ყოველ ღამე, იძინებდე მასთან
თუ არადა გეშინოდეს ძილის
ჯოჯოხეთის რო აღმოჩნდეთ ცეცხლის
თანახმა ხარ? მას დაუთმო წყარო
სხვამ რომ ჩაგსვას ოქროსა და ვერცხლში
ვერ გაიგოს შენგან - მიყვარხარო?
თანახმა ხარ? აპატიო წყენა
რომ ყოველთვის შენ არახარ სწორი
რომ სისხლისგან დაგეცალოს ვენა
რომ უბრალოდ გიყვარს შენი ცოლი
- თანახმა ხარ? რომ გამომყვე ცოლად
სიყვარულში არ იცოდე ზღვარი
ერთი ლუკმა ჩემთვის გაყო ორად
ერთადერთი, ვიყო შენი ქმარი!