წავალ და ზღვას ვეტყვი თუ როგორ გისურვე,
რომ იემანჟასაც უმტყუნოს ნერვებმა.
ოდესღაც ჩემს თავთან დადებულ პირობას
ვასრულებ! რომ შვება მომგვარონ ცრემლებმა.
წავალ და აქამდე დაკრეფილ გვირილებს
ტალღებში მოვისვრი უმაღლეს ქარაფთან,
სახეზე მე შენი სურვილი მოვისვი
ალუბლის ალებით მარტო ვარ ქალაქთან.
***
წყურვილი ძვირფასო! წყურვილი მეოცა.
მეწამულ ვნებებად იშლება საღამო,
უბრალოდ გავბედე თვალებში მეკოცნა
არ მინდა ოდესმე ფერებით დაგღალო...