გუშინ გითხარი რომ მომენატრე,
ჩაგეხუტე,შენც დამადე თავი,
შემდეგ ცრემლები ვერ შევიკავე
შემოვბრუნდი და გავხურე კარი.

შემდეგ ვიარე,ბევრი ვიარე,
ოღონდ არ ვიცი სად დავდიოდი,
თურმე უფსკრულში ვეშვებოდი და
მე კი მეგონა რომ ავდიოდი.

ცამაც იტირა,არ დაენანა
ჩვილი ბავშვივით ამიბა მხარი,
ორივე ერთად ცხარედ ვტიროდით
იყო ცრემლები,წვიმა და ქარი.

ადრე დამთავრდა ჩემი ცხოვრება
ადრე გაიხსნა ჩემს გულში ბზარი,
სულიც დამძიმდა,მიწაზე ფორთხავს
ვინმემ გაგვიღეთ ზეცაში კარი......

გუშინ გითხარი რომ მომენატრე
ჩაგეხუტე, შენც დამადე თავი,
მთელ ჩემს ცხოვრებას მერჩივნა გუშინ
ბედნიერების ის ორი წამი.