მეგობრები დააფასეთ არ გადადოთ არა
შესაძლოა ვეღარ ნახოთ, წადით მასთან ჩქარა!
დამეღუპა მეგობარი, მოკლეს არაკაცებმა
მსგავსი სულ განმეორდება, თუ იმატეს მსგავსებმა

მე მოგმართავთ ყველას, ყველას,
სანამ ცა სჭექს, ელავს ელავს
ნურვის მისცემთ რამის ნებას,
მეგობრისთვის რამის ტკენას

უსამართლოდ დაიღუპა ახალგაზრდა საოცარი
დამნაშავეც კი არ იყო ამ საქმეში ნაომარი
ბოროტებამ სიკეთეზე გაიმარჯვა, მოკლა მწარედ
ბევრი დარჩა დაუსჯელი, ნათელი დღე იქმნა ღამედ

მის მკვლელებს თვითონ მოვკლავდი
ვაწამებდი, სისხლს მოვსვამდი
მაგრამ აზრი არ აქვს ამას
ვერ ვაცოცხლებ მე ჩემს ძმაკაცს

ცხოვრება უსამართლოა
ის ჰკლავს მხოლოდ რჩეულებს
სიტყვა უმისამართოა
რა ვუთხრა ამ ველურებს

პირველ დეკემბერს ზამთრის დასაწყისს
მომიკლეს ჩემი ძმა, მეგობარი
ეს დღე ჩემთვის არს გზა ამ სამარის
ის ჩემი ძმაა და მეომარი

იღვრება ცრემლი, სიბრაზე მკლავს
ცრემლები ბევრი, ჩასძირავს ნავს
სულ ყველა მკვლელი, წააგავს სვავს
ეს ეშმაკის ყმა, სამართალს წვავს

ლეო იყო ანგელოზი მოვლენილი ქვეყნად
რომელიც ყველას უყვარდა ერთმანეთზე მეტად
ალბათ ყველა დაისჯება, ღმრთის სამართლის მწამს
ალბათ ყველა დაისჯება, ვინც არსებას ჰგავს