გრძნობები გამამელია
ავტორი: ირაკლი აფციაური

ნეტავ ლამაზო საყელოს
რამდენჯერ ღილი შაგხსნია,
რამდენჯერ უთქომთ მიყვარხარ
რამდენ სიყვარულ აგხსნია.

ნეტავ რამდენჯერ ასულხარ
ყელიდან კოცნით ლოყამდე,
რამდენი ვაჟი დატანჯე,
რამდენ მიუშვი თოფამდე.

რამდენის გული ათრიე,
რამდენი ერთურთს ახოცე,
რამდენს მაუკალ წყურვილი,
რამდენი უწყლოდ დახოცე.

შენი კუპრივით წარბები
ზევით რამდენჯერ ახარე,
რამდენი ვაჟი გატეხე,
რამდენი დაბლა დახარე.

ეგ სილამაზე რა გგონის,
ნეტავ სადამდის გაგყვება,
შენაც მაიწყენ როდისმე
სახეს ნაოჭი აგყვება.

შენამც გაივლი იმ ბილიკს,
რომელზეც სხვები ატარე,
გახსოოვს?!- მოგძახებს ვიღაცა
-მეც ხომ მაგ გზებით მატარე.

მერმე მე გაგახსენდები,
რომ ვიყავ შენი მელია,
მაგრამ გვიანღა იქნება
გრძნობები გამამელია.