ნელ-ნელა ქრება სინათლე ჩემში,
გამოწვეული შენი ხედვიდან,
ნელ-ნელა გხედავ ყოველდღე სხვებში
ჩვეულებრივი ჩანხარ გვერდიდან.
აქრობ ინტერესს და განცდებს ჩემსას
აღარ გაქვს ჩემთვის ნანატრი ფონი
შენ გააგრძელებ ყოველთვის შენსას
და გეჭირება სულ აიფონი.
ალბათ მიხვდები რაც დააშავე
და დაიძახებ უჩუმრად, ვაი !
ფიქრობ, გრძნობები რად გააშავე,
მაგრამ გიშველის შენ wifi.
ცრემლი თვალებზე ჩუმად გადგება,
ხან გცხელა, ხან კი ძლიერ გაცია
რაც იყო ახლა აღარ დადგება,
შენ ჩამოტვირთე აპლიკაცია.
ფოტოებს იღებ, არ გაძღებს გული
მერე აკეთებ, დღეები გადის,
თითქოს დაკარგე ნამდვილი სული
და ინსტაგრამზე ამზადებ სადილს !
აქრობ ყველაფერს რაც გვაკავშირებს
უკვე განცდებიც არ გაქვს ქალური,
გვიან ხვდები, რომ კარგავ კავშირებს,
გრჩება ცხოვრება ვირტუალური !