ისევ მივყვები ცხოვრების დინებას,
ვგრძნობ აქ მომისწრებს წვიმა შხაპუნა,
ტალღებს ავყვები აჩქარებული
მე ამ გრძნობებმა არ მიმატოვა.

ნიავს ნაცნობი ახლავს სურნელი,
ჩრდილში ლანდსაც კი მოვკარი თვალი,
იქნებ არახარ გამოგიგონე,
მაგრამ საიდან ამხელა კვალი?

სულში რწმენაა, გულში იმედი,
ხელს თუ არ მკიდებ რატომ მპირდები?
ნუ შემპირდები უხვად მრჩენია
შენი წარსული დანაპირები.

დღესაც მივყვები ისევ დინებას,
ალბათ მორევი ბობოქრობს სადღაც,
შენთან ყოფნა თუ ბედმა ინება
შევებრძოლები გონების კარნახს.

ეჰ...ვიძირები ჟამი დამდგარა...
და ეს ფიქრები მიმყვება მარად,
ვიცი შევხდებით,ისევ გიხილავ,
ისევ მომაგნებ უკვალოდ გამქრალს!