ჩემი წილი დამაქვს ცოდვა,
ალბად ცოტა ცოდნაც,
სული უფრო ხშირად სცოდავს,
გული _ უფრო ოდნავ,

ჩემი ვალი მადევს მიწის,
ჩემი არც ვის მართებს,
დრო ჯიუტად ისევ მიდის,
წუთებს უხვად მართმევს,

მაინც ჩემი მყოფნის დილა,
ხელს არ ვახლებ სხვისსას,
დღესაც წვიმამ შემაგრილა _
ვიწვებოდი... მტრისას,

სულ წაიღო აზრი, ფიქრი,
ქართან ერთად მიჰქრის
თეთრი გოგო, როგორც ფიფქი,
თან რა მოხვრა-მიხვრით?!

ცივი ოფლი გადამესხა,
ეტირება ზეცა,
სურვილი მაქვს გადამეხსნა
ის რაც ტანზე ეცვა...

ჩემი წილი დამაქვს ცოდვა,
ალბად მცირე ცოდნაც,
სული ისევ ხშირად სცოდავს,
გული _ უფრო ცოტას.

Selassie