[right][/right]არ ღირს ოხვრად,
ის რაც მოხდა,
ის რაც იყო
ერთ დროს კოხტა,
არ ღირს წყვეტა
ვარდის კოკრად,
არ იქნება
ვედრო _ კოკად,
ისე იტევს წყალს,
თან ოხრად...
ქალი მხოლოდ
მიხვრა-მოხვრად,
კაცი მხოლოდ
ცოდნა-მოძღვრად,
არც ეს ცოდნა
ისე... ოხრად,
არ ღირს ჟოლოს
კრეფვა მოცვად,
დამალული ცოდვა
ლოცვად,
არც კენწერო
დაბლა მოწვდად,
არც კანაფი
ადრე მოჭრად,
არც წვიმაში
ხე ღირს ქოხად,
არც მზის გულზე
ხელი ქოლგად,
არც დაბალი
ზღურბლი მოხვრად
და არც რუსი
მოძმე-მოყვრად...
მაინც ვამბობ,
ის რაც რომ მწამს _
ეს ცხოვრება
არ ღირს ოხვრად...

დრო არ მიღირს
თითზე მოთვლად.

Selassie