არაადამიანური ქცევა
სრული მარაზმია ღმერთო...
უსამართლობაა ყველგან
ჩვენში ბოროტება მძლავრობს...
ვიღაც დაგლეჯილი სულით,
ვიღაც გაცვეთილი ფრაზით,
ყველა თანაუგრძნობს ერთურთს
უკან დამალული დანით...
ირგვლივ სიყალბეა მხოლოდ,
სამართლიანობა გაქრა...
ვითომ დახმარების ხელით
ისე ჩაგარჭობენ ლახვარს
სხეულს არ ეტყობა კვალი,
მაგრამ შინაგანად გფატრავს...
ვტირი გამეტებით ღმერთო,
ყველა ვინც მიყვარდა გაქრა...
რწმენა არსებული ჩემში
დედა ბუდიანად დალპა...
ვცდილობ ამოვძირკვო ყალბი,
დედა ნატირები განცდა...
ვინმე ვერ გაიგებს ალბათ
ჩემში რა ცვლილებაც ხდება...
როგორ დამიგლიჯეს სული,
როგორ განადგურდა ჩემი
ნალოლიავები ნატვრა...
მტკივა, თუმცა ცრემლებს
ისევ ძველებურად ვყლაპავ...
სხვისი დამცინავი სახე ვიცი
საბოლოოდ დამხრავს...
აღარ შემიძლია ღმერთო,
უსამართლობაა ყველგან...
სულში ჭრილობიდან ისევ
სისხლი შეუწყვეტლივ ჟონავს...
როგორ ამოვიდა ყელში
ირგვლივ ნაბი*ვრების მზერა...
თითქოს არაფერი, მაგრამ
ყელში წამეჭირა განცდა,
რომ მე საბოლოოდ მომკლეს,
ბოლო იმედებიც გაქრა...