შესვლა
რეგისტრაცია
რეკლამა

მარტის თვალები


13-06-2018, 10:39
ნანახია 485

მარტის თვალები

ოჰ, რა ძვირფასი, რა სანუკვარი,
მოთაფლისფერო, ოდნავ მზიანი
თვალები გქონდა მარტის მაგვარი,
მაგრამ სულ წამით დავიგვიანე.
ჰაერში შენი მზერა ტრიალებს,
როგორც წვიმის დროს მეხის სურნელი,
მე უშენობას ჯერ ვერ ვიაზრებ,
ხელშეუხებლის დავრჩი მსურველი.
ოჰ, რა ძვირფასი და რა მთლიანი
სავსე მთვარისას ვერ ვნახე ზეცა,
მოვრბოდი, მაგრამ დავიგვიანე,
ზედ შენს მახლობლად ფრთები მეკვეცა.
აღარც არწივი აღარ ჩანს ცაზე,
სევდის ნისლები ტყეს გაეხვია,
ია ვარდებად მოსულა მთაზე,
ირმების ჯოგი სულს შემეჩვია.
გადამითელა გრძნობა და დარდი,
შენამდე ზღვა ვერ გადმოვიარე,
თვალები გქონდა მაგვარი მარტის,
მაგრამ სულ წამით დავიგვიანე.
~ბ.ბ.~скачать dle 11.3
სიახლეზე კომენტარის დამატების შემთხვევაში თქვენ მიიღებთ 6 ქულას.



№1  offline მოდერი bla.ell

ოთარ ჭილაძის სიტყვები გამახსენდა რატომღაც " ყველა ზეიმზე დავიგვიანე"...ისედაც იცი რომ კარგად წერ და ადრეც მითქვამს თუმცა მაინც კიდევ ერთხელ გეტყვი რომ ძალიან კარგად წერ❤❤
--------------------
ის ვინც ჩარჩოში არ ექცევა,ოთხპირ ქარში უწევს ცხოვრება. ლ.მ

 


bla.ell
ოთარ ჭილაძის სიტყვები გამახსენდა რატომღაც " ყველა ზეიმზე დავიგვიანე"...ისედაც იცი რომ კარგად წერ და ადრეც მითქვამს თუმცა მაინც კიდევ ერთხელ გეტყვი რომ ძალიან კარგად წერ❤❤

ძალიან დიდი მადლობა ❤ ძალიან მიხარია შენი სახელის დანახვა კომენტარებში ❤
--------------------
~ბ.ბ.~

 


ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.