ჩემი შენდამი მწარე ფიქრები
ღმერთთან მივიდნენ ჩემს მოსაკლავად.
ალბათ, ოდესმე შენ კვლავ მიხვდები,
ვიდგები აქ მე შენს მოსაყვანად.

მე არ მჭირდები, მხოლოდ მიყვარხარ,
შენ ჩემი გრძნობის ერთი სიტყვა ხარ.
ვიცი, არ მოხვალ და მე მოვდივარ.
სიყვარულისთვის დიდი მორგი ვარ.

ისეთი გრძნობა მინდა გაჩუქო,
რომ გულში მწვანე შუქი აუნთო.
ისეთი სითბო მსურს მოგიტანო,
რომ მე ცოდვები ჩამოვიბანო.

ისეთი სიტყვა მინდა, რომ გითხრა,
რომ შენი გულიც ცეცხლში გავხვიო.
დღეს ჩემს გრძნობებში აქ კიდევ ითქვა,
რომ ვისკი შენთვის უნდა დავლიო.

გთხოვთ მომაწოდეთ ერთი სიგარა,
მელანქოლია ჩემში, რომ ვნახო.
რაღა მაკლია?! ერთი გიტარა!
შენდამი გრძნობა, რომ გამოვსახო.

ჩემი შენდამი მწარე ფიქრები,
ისევ ცდილობენ, წამებით მომკლან.
ვფიქრობ, რომ შენს გულს მე ვერ მივწვდები.
მზად ვარ, რომ მომკლას ძლიერმა თოვამ!