ცაში ასული ზღვის წვეთი ვარ,
ტოტებს მოგლეჯილი კვირტი,
ჭიქის მოტეხილი ყური ვარ,
ბუდეს მოწყვეტილი ჩიტი.

ხანდახან მგონია შენი ვარ,
ხანდახან მგონია ვცდები.
ვიცი, რომ ყველაფერი რჩება,
მაგრამ ნარჩენია ბევრი.

როცა დამთავრდება გრძნობა,
მე აღარ შემრჩება ფრთები.
უშენობა კი არ მომკლავს,
უსიყვარულობით ვკვდები.

აღარაფერი არ მინდა,
მხოლოდ ტკივილია ჩემში.
ხმა, რომ მივაწვდინო ღმერთთან
იმის ძალაც არ მაქვს ყელში.

რაღა ეშველება აწი,
ჩემს ცხოვრებას, ანდაც ამ სულს?
მე ვერ დავივიწყებ ჩემში
შენგან შემოპარულ წარსულს.