გტოვებთ, მივდივარ ქვესკნელისაკენ.
კარს მიკეტავენ ედემისაკენ.
მე ჯოჯოხეთის მკვიდრი ვარ ვიცი.
სწორედ ამაზე აქვს ჩემს ღმერთს ფიცი.

გტოვებთ, მივდივარ მე ამ ქვეყნიდან,
მწარე ცხოვრების დიდი სევდიდან.
მე ჯოჯოხეთში ვარჩიე ყოფნა!
ეშმაკმა ჩემთვის ადგილი მოხნა!

გტოვებთ და უმალ იხილავთ ცხედარს,
მას მიამსგავსებთ ჩემნაირ მხედარს.
გტოვებთ და უმალ გამკიცხავთ ყველა...
არც იფიქრებთ, რომ მჭირდება შველა.

გტოვებთ, ვერასდროს ვერ მომკრავთ თვალს,
ვერ გადავიხდი ღმრთისადმი ვალს.
რომ გთხოვოთ თქვენ არ მომიტანთ წყალს,
გულში ჩამარტყამთ ძლიერ ბასრ ხმალს.

გტოვებთ და სიკვდილს მოვიყვან ჩემთან,
ჩემი ფიქრების ამ უცვლელ ველთან.
სიკვდილს სურს ყოფნა ჩემნაირ ყმასთან,
მუდამ ვიქნები სიკვდილთან, მასთან!