თეთრი აგრესია

კონტურად აცხადდი ფიქრიდან ღამეში,
შეტრფობის ფსიქიკურ გრიგალის ალებად
და ვნების აისის მეწამულს ღაწვებში,
ანათებ ოთახში ღამის ფრთის დალეწვად.

ხელშიც ბროლის ჭიქა, შავი თრობით სავსე
თვალებში პანტერა თეთრი აგრესიით -
(ტრფიალის, სიმძლავრის შეგრძნების ტკბილ მახე
რომელიც სრულდება ეგოს ამნეზიით).

ღვინოს ეწაფები, თავნებ სითამამეს,
თვალებს აელვარებ ყურძნის რეზონანსად
ვგრძნობ შენში ჩემიდან ნერვის სხივთა მთვარეს
რომელიც მზის ნათლის ხურდის ეზოს გავდა...

ტანსაცმელს ვივიწყებთ ჩვენს თავის სიმბოლოდ,
ვშიშვლდებით ჩვენიდან ერთ-ურთის შევსებად
ვნება ბოლთასა სცემს ღამეულ ტრემოლოდ
ცეცხლით გწვავ მე, ჩრდილში ნავთობის შეგრძნებად;

გეხები სულიდან გაჟონილ სხეულზე
სიმწველით ხურდები ოთახის დუღილად
გაქაფვის დამუხტვა კერტების კრებულზე
ამბორით სივდება ნარცისის დუმილად

და ტკბობად ავარდნილ ხანძარის სინთეზში
ხალებზე გიქარგავ ამბორის სიგრილეს,
რომ არ გადაიწვა ორგაზმის სიცხეში
კოცნად დავაჩოქებ აღგზნების სიბილწეს

ჩვენ ისე გავქრებით ერთურთში ლესვისგან
ვერც კი გავერკვევით შენ მე, თუ მე შენ ვარ,
ისე დავიღლებით სარეცლის ლეწვისგან
ვიტყვით რომ გადაღლა სიცოცხლედ გვეშველა.