მოდი გავაშიშვლოთ ფიქრები,
გავხადოთ ერთმანეთს სულ ნელა.
მოდი უტანსაცმლოს მითხარი,
რომ არ გვაკავშირებს ჩვენ ვნება.

სულის სიშიშვლისკენ მივილტვი,
მხოლოდ ეგ მიჩქარებს გულს.
ამ ქვეყნად რა აღარ ვნახე და,
მარტო ერთგულების მშურს.

თითქოს გარყვნილია ოცნება,
რომელიც შენ ნახვას მთხოვს,
მაგრამ ხომ ავხსენი ამჯერად,
რომ სულის სიშიშვლეს გთხოვ.

მინდა, რომ დავიწყოთ თავიდან,
სულ ნელა, პირველი წამიდან.
ღამე ნაჩქარევი არ მინდა,
გავწელოთ, რაც შეიძლება ძალიან.