მე რომ ვიხრჩობოდი,
ცეცხლი როცა მწვავდა.
"მოდი" - როცა გთხოვდი,
არავინ რომ გგავდა.
მაშინ არ მოხვედი,
არ ამივსე გული
ძველი იმედებით
დავრჩი გათანგული.
მე რომ ვიხრჩობოდი,
არავინ რომ მყავდა,
დაბრუნებას გთხოვდი,
რადგან არვინ გგავდა.
მაშინ არ დაბრუნდი,
მერეც არ მოხვედი.
მთელი ეს დრო დუმდი,
არ დაღალე გზები.
მე რომ ვიხრჩობოდი,
სევდა როცა მკლავდა.
''დამიბრუნდი" - გთხოვდი
- "სულ წამიღო დარდმა".
მაშინ არ მოხვედი,
არ ჩამჭიდე ხელი.
ჯერაც იმედებით
გათანგული გელი.
მე რომ ვიხრჩობოდი,
ცეცხლი როცა მწვავდა,
"დაბრუნდი" - რომ გთხოვდი,
არავინ რომ გგავდა,
მაშინ არ დაბრუნდი,
მერეც არ მოხვედი.
ახლაც, როცა დუმდი
გაგვეყარა გზები.