შესვლა
რეგისტრაცია
რეკლამა

სტუმარი


1-09-2019, 21:22
ნანახია 640

წუხელ გლახაკი მესტუმრა –
მშია, მაჭამე რამეო;
მცივა, სახლ–კარი არა მაქვს,
გამათევინე ღამეო;

გაკვირვებული შევცქერი –
ღმერთმა სტუმარი მაწვია;
საბრალოს ტანსაცმელიც კი
ჩამოძენძილი აცვია;

მობრძანდი მეთქი, ძმობილო,
ღვთისა არის თქო სტუმარი,
მშვიდობით თუა მოსული,
კეთილმოსურნე თუ არის;

შევიპატიჟე ოთახში,
სუფრა ბუხართან გავუწყე;
ძმურად გავიყოთ, რაც მაქვს თქო,
მორიდებულად ვაუწყე;

გათბა, დანაყრდა საბრალო,
მეტი არ მაქვს თქო, ბოდიში;
შემდეგ საწოლი ვაჩვენე,
მოისვენე თქო ლოგინში;

ცრემლით აევსო თვალები,
ხელები ცისკენ ასწია,
თავი დამიკრა მორცხვად და
დასაძინებლად გასწია;

მერე როდესაც გათენდა,
როცა საუზმეც იხმია,
მითხრა: – მოყვასო, აქამდეც
შველად ბევრისთვის მიხმია;

მაგრამ უცხოს და საეჭვოს
არ მიკარებენ, ვაშინებ;
შენ რად გამიღე კარები,
რად შემომიშვი მაშინვე?

იქნებ ბოროტად მოვსულვარ,
კეთილმოსურნე არა ვარ?
იქნებ მტერი ვარ ვერაგი,
იქნებ ყაჩაღი გახლავარ?

როგორ მიმიღე უსიტყვოდ,
ეჭვიც რომ არ გაგჩენია;
გადმომილაგე რაც გქონდა,
ლუკმაც კი არ დაგრჩენია;

გამკვირვებია, ღმერთმანი,
ეგ თანაგრძნობა გულისა;
ეგ გულუხვობა მაკვირვებს,
სითბო, სიკეთე სულისა;

უზომო მადლიერებით
მაქვს, ძმაო, გული სავსეო;
მითხარი, რატომ მიმიღე,
რად მომექეცი ასეო?

როგორ გაკადრო – მივუგე –
შენზე ცუდი რომ ვიფიქრო?
რა გამაჩნია ნეტავი,
ჩემი ძარცვა რომც იფიქრო?

მაგრამ მიზეზი სხვა გახლავს,
მარტო ეს ფაქტი არ არის;
ქრისტიანი ვარ, ძმობილო,
აი ეს არის მთავარი;

ცოდვილი, ვცდილობ, როგორმე
უფლის მცნებებით ვიარო;
მოყვასის დარდი, ტკივილი
გულწრფელად გავიზიარო;

განა მე შენზე მეტი ვარ,
მეც გლახაკი ვარ სულითა,
მაგრამ გული მაქვს აღსავსე
მაცხოვრის სიყვარულითა;

უფალმა ბრძანა: – შევუნდობ,
დიდი სამსჯავროს დღესაო;
ვინც შეიწყნარებს მოყვასს და
ვინც გაუმართავს ხელსაო;

როგორც შენ გინდა მოგექცნენ,
შენც მოექეცი ისეო;
ყველა მწირი და ღატაკი
ძმასავით შეითვისეო;

აი, ეს არის მთავარი,
სიტყვა და მცნება უფლისა;
სასოება და საზრდოა
ჩემი ცოდვილი სულისა;

ამიტომ ძმაო ნუ გიკვირს,
თუ შენთვის რამე გავიღე;
ღმერთმა იცოდეს, ეს გულიც
სახლის კარივით გაგიღე;

მადლობა უფრო მე მეთქმის
და არა უმადურობა,
რადგან უფალმა ინება
ჩემს სახლში შენი სტუმრობა;

რადგან მიბოძა უფლება,
მცირე გამეღო წყალობა;
ყოველი სიკეთისათვის
უფალს ეკუთვნის მადლობა;

უფალი არის ყოველში,
თუ ვინმე არის ავადა;
ყოველ მწირსა და გლახაკში
უფალი სუფევს თავადა;

იქნებ თავად ხარ იესო,
დღესაც რომ ჯვარზე ევნება,
იქნებ ღმერთსა და მაცხოვარს
ჩემი გამოცდა გენება?

დიახ, უფალი გახლავარ –
მისი ბაგიდან აღმოხდა;
ირგვლივ მზესავით განათდა,
ვერ გავიაზრე, რა მოხდა;

მუხლთ დავიჩოქე ცოდვილმა,
ცრემლები წამსკდა სიმწრისა -
მე რა ღირსი ვარ უფალო,
შენი დიდების ხილვისა?!

ხელი დამადო მხარზე და
ტანთ დამიარა ცეცხლივით;
მისი სახე და სამოსი
თეთრად ბრწყინავდა ვერცხლივით;

მართალი თქვიო, ასეა,
ყველასთან ასე დავდივარ,
რადგან თქვენს გამო, ცოდვილნო,
ყოველდღე ჯვარზე ავდივარ;

ხან ქუჩაში ვარ მათხოვრად
თქვენგან წყალობის მთხოვნელი;
ხან სნეული ვარ საბრალო
და მნახველს იქაც მოველი;

ხან ციხეში ვარ პატიმრად,
დღე მაქვს უმზეო, დღე ბნელი;
ხან კი კარდაკარ დავდივარ,
თავშესაფარის მძებნელი;

მე კი არ მინდა წყალობა,
თქვენთვის ვირჯები სრულებით,
რათა არ წარწყმდეთ უჩემოდ,
ეშმაკს არ მისცეთ სულები;

სათნოებას და სიკეთეს
ვეძებ უმცირესს ყოველსა,
რადგან უზომოდ მიყვარხართ,
თქვენ ღმერთს და მამა მშობელსა;

ხან განსაცდელებს გიგზავნით,
რათა არ აყვეთ საცდურებს;
ხან ვცდილობ სნეულებებით
გარიდოთ ვნებებს მაცდურებს;

ეჰ, საზრუნავი ბევრი მაქვს,
განა მოცლილი როდი ვარ,
მაგრამ რადგან არ გახსოვართ,
თქვენთან ამ გზებით მოვდივარ;

გადაეციო სუყველას,
ამჟამად რაც კი გითხარი;
მერე კი გაქრა უეცრად,
ხილვა იყო თუ სიზმარი;

მე კი ღმერთსა ვთხოვ შენდობას,
ამ ამბის თქვენთვის მთხრობელი!
წუხელ უფალი მეწვია –
უფალი ყოვლისმყრობელი...скачать dle 11.3



ავტირდი, შენმა ლექსმა ამატირა,

მწამდა უფალის დიდისა,
ჩვენი მამის და მფარველის,
ახლა კი ვფიქრობ, კი არ მწამს შევიგრძნობ თვითონ იესოს,
ჩემს ღმერთს, რომელიც მფარველობს,
ზემოდან გადმომყურებს და ჩემს ცოდვებზე თვითონ აგებს პასუხს.

 


№2  offline აქტიური მკითხველი terooo

უფალმა ბრძანა: – შევუნდობ,
დიდი სამსჯავროს დღესაო;
ვინც შეიწყნარებს მოყვასს და
ვინც გაუმართავს ხელსაო;

 


№3 სტუმარი აქტიური მკითხველი

სიყვარული გულს გვტკენს
ავტირდი, შენმა ლექსმა ამატირა,

მწამდა უფალის დიდისა,
ჩვენი მამის და მფარველის,
ახლა კი ვფიქრობ, კი არ მწამს შევიგრძნობ თვითონ იესოს,
ჩემს ღმერთს, რომელიც მფარველობს,
ზემოდან გადმომყურებს და ჩემს ცოდვებზე თვითონ აგებს პასუხს.

blush [quote][/quote]

 



სახელი: *
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent