თქვენ შეგეშალათ,
მე ის არა ვარ;
მე ის არა ვარ,
თქვენ რომ გიყვარდით!

რად შეგეშალათ,
რამ დაგაბნიათ,
ალბათ ხვდებით,რომ
გადამიყვარდით. . .

ახლა რატომ მცნობთ?
მე ხომ სულ სხვა ვარ;
მე ის აღარ ვარ,
თქვენ რომ მიყვარდით.

თქვენ შეისვენეთ,
გრძნობამ დაგღალათ,
მაგრამ მე ისევ,
ისევ მიყვარდით. . .

ახლა კი დროა,
უბრალოდ გითხრათ:
ალბათ მამგვანებთ,
ნუ გაგიხარდით;

მე ის არა ვარ,
"ის" სადღაც დარჩა,
სხვა ეპოქაში,
როცა მიყვარდით.