გული ეულია ტირის
ცრემლი გაილია ფიქრში,
აღარ გავამტყუნებ ტირიფს
ისიც მარტოა და ტირის.
ძველი კადრებივით მიჰქრის
ჩემი საოცარი სევდა,
მე კი გამოთქმაც კი მიჭირს,
რომ ეს საოცრება შენ ხარ
რატომ დაიღალა გული
თვალზე ცრემლი რად ვერ შეშრა,
იქნებ შენ სადღაც ზიხარ სულში,
მაგრამ ვერ გიპოვე ვერსად.
არა აღარ მინდა ფიქრი
სადღაც შენი ლანდი მოსჩანს,
იმის გაფიქრებაც მიმძიმს
ჩემთან რომ არასდროს მოხვალ.
ვიცი გამიხსენებ ისევ
შენ ვერ დაივიწყებ კოცნას,
მე რომ დაგიტოვე იმ დღეს
როცა ყველაფერი მორჩა.
ჩემი თვალებიდან ცრემლი
მარგალიტებივით ცვივა,
უკვე ვეღარაფერს შევცვლით
რადგან ყველაფერი მორჩა.