ისევ შორს ვდგავარ, ყველასგან შორს
და მე არ ვიცი ეს დღე რას მთხოვს.
ჩემთვის და შენთვის თითქოს წვიმს, თოვს.
შენი დანახვა - მე ეს მათბობს.

შენ რომ არსებობ მე ამით ვტკბები
და მე შენს გარდა ვერაფრით ვთბები.
მხოლოდ შენს გამო მე ცოცხლად ვრჩები,
დინებას მე ხომ კვლავ არ მივყვები.

მე შენსკენ მომაფრენს ღამეთა სიზმრები,
ის რასაც მე ვამბობ ყველაფერს მიხვდები.
უბრალოდ მიყვარხარ, ძალიან მჭირდები,
ეს არის სულ ჩემი სათქმელის სიტყვები.

მე შენზე ფიქრი სულ მიღებს კარს,
შენზე ძვირფასი არავინ მყავს.
მე ხალხის მასა მერევა გარს,
შენ კი არავინ, არავინ გგავს.

ისევ შორს ვდგავარ, ყველასგან შორს
და მე არ ვიცი ეს დღე რას მთხოვს.
ჩემთვის და შენთვის თითქოს წვიმს, თოვს.
შენი დანახვა - მე ეს მათბობს.