არ ვიცი რამდენად სწორია ფაქტი,
ან რა ვუწოდო? იყოს მოვლენა,
შენ ჩემთვის მალევე ძვირფასი გახდი,
შენ მომივლინე წყნარი ცხოვრება,

არ ვიცი რამდენად სწორია აზრი,
რომ ჩვენი შეხვედრა იყო საჭირო,
ვფიქრობდი ზოგჯერ, რომ არ არის კარგი,
ზოგჯერ კი, სწორედ რომ ეს იყო საჭირო,

არ ვიცი რამდენად სწორია სიტყვა,
ყოველი სიტყვა, რომელსაც ამბობ,
მე მჯერა შენი და თან მინდა გითხრა,
შენც ჩემი გჯეროდეს, გულწრფელად ვამბობ,

არ ვიცი რამდენად სწორია ის, რომ
ზოგჯერ ჩვენ ზედმეტად ახლოს ვართ ერთად,
მაგრამ მაქვს იმედი, ეს არის ის, რომ
მე და შენ ბოლომდე ვიქნებით ერთად.