კოკრებში ჟონავს ნისლი წვეთ წვეთად
და მგლოვიარე მოსჩანს ბორცვები
დაშრეტილ წყაროს სანაპიროსთან
კოპებშეკრულნი დგანან ბოცვრები.

გალაჟვარდებას ლამობს თოლია
და კლდიდან კლდეზე ხტება ავაზა
დაბებს ნატყორცნი სხივების კონა
უფერულდება თითქოს გზადაგზა.

ლერწამი ლერწმით გადაიხლართა
და მწუხარების წკრიალებს ზარი
კვლავ ჟონავს ნისლი შეუჩერებლად
მიწის ფაქტურას ევსება ბზარი.

ქვა ქვით ნატეხი ელის გარიჟრაჟს
საყდრიდან საყდარს სწვდება ლოცვები
ქარი ტრამალებს ამბოხით ჰკვეთავს
და სევდიანად კრთიან მოცვები.