ჩემში არსებობს ცა ცის მაგვარი
მზე მზით გამთბარი ცის მაგვარ ცაზე
ჩემში არსებობს გზა გზით ნავალი
ნაფეხურებიც გზით ნავალ გზაზე.

არსებობს დარდით ჟღერადი ჰანგი
კვდომაც არსებობს სიცოცხლის ნაცვლად
არსებობს მხოლოდ მხოლიდ არსებობს
და ისევ რჩება მარცვალი მარცვლად.

არსებობს ეულ ვარსკვლავთა ცვენა
არსებობს ნიღბით ფარული სახე
ქარს დაყოლილი ფოთლების თრთოლაც
არსებობს მახით პყრობილი მახზე.

არსებობს მტირალ ტირიფთა ვნება
ნაპრალებს შორის არსებობს ხიდი
ფრთებმოტეხილი ჩიტების ფრენაც
არსებობს ბინდით მოცული ბინდი.

ჩემში არსებობს ზღვა ზღვით დამშრალი
ტალღაც ბობოქრობს ზღვით დამშრალ ზღვაზე
ჩემში არსებობს ცა ცის მაგვარი
მზე მზით გამთბარი ცის მაგვარ ცაზე.