თვალებში მიყურე...
ვგიჟდები შენს თვალის ფერზე
გთხოვ, ნუ მომაკლებ სიამოვნებას
მაბოდებს შენზე...

სიტყვები უკვე არაფრად მიღირს
როცა ჩემი ხარ და რითმებად იწვი
არ მინდა თოვლი, მინდა რომ წვიმდეს
და შენს სიყვარულს ფერებად ღვრიდეს

შემოგხვევ ხელებს პაწაწა მხრებზე
ყელს დაგიმშვენებ ნაზი კოცნებით
შენი ტუჩები ჩემით ნაფერები
ჰგავს გაზაფხულზე ატმის ყვავილობას

წაგიყვან მთაში, განახებ უშბას
შატილის ვარსკვლავებს გაგიგებ ფეხქვეშ
დართლოს გვირილებს შეგაბნევ თმაში
და სიყვარულის გიამბობ ამბავს

თვალებში მიყურე...
რას ხედავ მათში?!
გრძნობ გულისცემას?
დავფრინავ ცაში

მომენდე ძვირფასო
ნუ ფიქრობ ამდენს
თვალებში მიყურე
ის გეტყვის სათქმელს...