მეფიქრება, წარსულზე მეტირება
ხანდახან მეცინება, მენატრები...
წლები გალეულა, ხედავ?
მოგონებებს დასდებიათ მტვერი

ქარიშხლების სეზონია ახლა
ამინდები გააპრილდა სულში
მოჩვენებითია სიმშვიდე ჩემი
ღიმილები გააძვირეს ყველგან

ახლა მოდაშია მიმიკები
წარბშეკრული ვერ ვიცანი მეგობარი
მოწყალებად იმედები დავარიგე
უიმედოდ დავრჩი "მეომარი"

საკუთარ თავს დავუწესე წესები
შევაწმინდე სინდისს ჭუჭყიანი ხელები
ღამეები გავათეთრე ლოდინით
დღეს შევმატე საფიქრალი წყეული

სიჩუმეში შორით ისმის ხმაური
მელოდია შიშით გამოწვეული
გზააბნეულ გრძნობებს ვამისამართებ
უიღბლოთა ვანაწილებ კარცრებში

ქარიშხლები ღრიალებენ ურცხვად
და შიგნიდან ვტყდები, ვიფერფლები
ახლა სეზონია სევდის
მე მონა ვარ უსამართლო ბედის...