ჩაფიქრებული ვუცქერ ცხოვრებას
ჩაფიქრებული მდუმარე ვდგევარ
ვარდობის თვეში დაბადებული
ამომავალი მაისის მზე ვარ.

მაისის მზე ვარ, მაისის ვარდის,
მაისობისას ვიგრძენი ტრფობა
მის ნაზ ფოთლებზე ჩემი სხივების
გასაოცარი ვიხილე კრთობა.

განთიადისას ვისწრაფვი უმალ
მის შლილ კოკორში რომ ჩავიღვენთო
მკაცრ და ულმობელ წუთისოფელში
მე სატრფო მშვიდად მიმყოფე ღმერთო.

ტრფობისგან გული გადამრევია,
ჭკუა არეულს და შეშლილს ვგევარ
ვარდობის თვეში დაბადებული
ამომავალი მაისის მზე ვარ.