მომესურვილე...
შორ ოცნებად მესახე ციდან
შენს თვალებს ვფიცავ
უშენობით, მე ძლიერ მცივა

და ცვივა... ხეს ფოთლები
მოთმინებასავით მეკარგებიან
უსაშველოდ მენატრებიან
და სად არის სინათლე დღეთა?!

ფეხით ვამტვრიე ცხრაკლიტული
სისხლით შემოგფიცე ტრფობა
ჩემი ხევსურობა დაგიმტკიცე
და აგიშენე პატარა ოდა

ჰოდა, მომეცი ხელი
გავშალოთ ფრთები
არხოტის ცაზე ან ცის იქით
მე, შენ და ვარსკვლავები

და გიცდი...
უსასრულოდ,უხმოდ,მორჩილად
ოღონდ, დამპირდი და...
ღრუბლებს იქით დაგიცდი, ვფიცავ