ქარები ფოთლებს ვეღარ არხევენ
და ჩემი გულიც აღარ ცემს ისე
თვალები მაინც რამდენს ამჩნევენ
გული არ მიდის აღარავისკენ

ეჰ, მენატრება ის ჩასუნთქვები
ათრთოლებული შენს დანახვისას
ფართოზე ფართო თვალის გუგები
და თავის დახრა გვერდით ჩავლისას

დაგინახავ და კვლავ იღვიძებენ
მივიწყებული მწველი გრძნობები
შენი თვალები მე მიბიძგებენ
რომ სადღაც გავქრე ჩემი ბოდვებით

მოგიტაცებდი მაგრამ ვერ ვბედავ
რადგან მაინც არ შეგიყვარდები
ჩემო ლამაზო ნუთუ ვერ ხედავ
სახურავიდან როგორ ვვარდები

ჩემი ბრალია, რომ არ მიცდია
ერთი ნაბიჯის გადმოდგმაც შენსკენ
სხვა რაყიფები არ დამიცდიან
ვეღარ უძლებენ დამდუღვრელ შენს მზეს

თუკი აქამდე ვერ დაგივიწყე
ვგრძნობ რომ შენახარ ჩემი გზის ბოლო
და ერთ ლამაზ დღეს რომ გაიღვიძებ
მე დამინახავ მხოლოდ და მხოლოდ

ეშმას მორი