წუხელ სიზმრად გნახე იცი???...
სახეს გინათებდა ალი...
რაღაც უცნაური ვიგრძენ
ისე ამაყოლე თვალი??

ბები მომენატრე იცი???
ახლა ვწევარ ასე მთვრალი...
რატომ არ მოდიხარ ხშირად..
იქნებ დაგავიწყდი ქალი...

მომენატრა შენი კალთა,
შენი ჭაღარა თმის ქარი..
ბები დამესიზმრე კიდევ...
დამიგროვდა შენი ვალი...

ისევ პატარა ვარ იცი?
თითქოს ვერ ვიზრდები სწრაფად..
ახლა აქ რომ იყო ბები
გულში ჩამიხუტებ ალბათ...

მენატრება შენთან ყოფნა...
შენი დარიგება თბილი,
თავზე ისევ ისე მინდა შენი
დაკოჟრილი თითი...

მე ის ცრემლი მინდა ბები
ყოველ ჩემს მოვლას რომ მოდევს
თბილი გაღიმება ბები
შენით გავსებული ეზო..

არა, არ წახვიდე ბები..
შენ ხომ აღარ მსტუმრობ სიზმრად...
მინდა ვისაუბროთ ისევ,
ძველად რომ ვიყავით ხშირად...

მომენატრე ჩემო ბები..
ჩემო უსასრულოდ კარგო..
ერთხელ დამესიზმრე ისევ
შენი სიყვარული მათრობს..