ფიქრები შენზე


ვუმზერ ზღვის პირას, ცას მოელვარეს.
და თითქოს გულშიც სითბო იღვრება.
ყოველი დილა გათენებული,
შენით ხარობს და შენით ივსება,

მე მიყვარს გზებიც შენი სავალი,
ის ბილიკები შენგან თელილი.
შენთან შეხვედრის მოლოდინებით,
ღამე ფიქრებით განათენები.

არ დავიღლები მე ამ ლოდინით,
კვლავ უსასრულოდ ვიფიქრებ შენზე,
გზებზე, რომელიც ჩემთან მოგიყვანს.
ბედნიერებით დაწყებულ დღეზე.