ისევ წვიმს, ისევ ცრის, ცა ტირის,
ქარიც ქრის, გაჰკივის, დამცინის
ემიგრანტს, გულს მიკლავს, ცულს მირტყავს,
ტვინს წამლავს, ეულს მკლავს, სულს მიწვავს

ბნელდება, დრო კვდება, ნელდება,
ვერ ხვდება, გრძლდება, ვედრება
მთავრდება, განგება, ღამდება,
წამება, გაფრენა, აქ ხდება

უშენოდ, უღმერთოდ, უსაქმოდ,
უარმყოფ, უაზროდ, უტაქტოდ
სადა ხარ? არა ხარ, რად არ ხარ?
წამხდარხარ, გამხდარხარ, რაც არ ხარ

დამწყვდეულს, არეულს, წართმეულს,
დაბნეულს, ამღვეულს და ეულს
დამწვარ გულს, აღარ სურს, აღარც შურს,
თანაც დუმს, დაკარგულს, წასვლა სურს...