დათოვლილ გზებს აღარ ვემჩნევი
ნაკვალევს ვტოვებ, მხოლოდ ფურცლებზე
დღეს უფრო დამაგვიანდა
ვიდრე, ოდესმე მთვრალ გონებაზე

შემომეძარცვა ფიქრები შენზე
გავხდი ტუსაღი ნამგალა მთვარის
ვერ გაიგებენ, ვერ მიხვდებიან
რას ნიშნავს იყო მეხოტბე ზამთრის

ჩამოღამდება თვალებში სევდა
ვერცხლისფერ ფიფქებად დაიწყებს თოვას
ვინ იცის, იქნებ არც ღირდეს
სიყვარულისთვის ამდენი გლოვა?!

მანძილი შენამდე, ისე შორია
ისე შორია მანძილი შენამდე
ვეღარ გეხები, ვერ გაწვდენ ხელებს
რადგან, შენამდე ერთი ნეკნია