გადამიყვარდი! არ გჯერა?
თითქოს არაფრად მიღირხარ,
გულის ცემაც არ გაჩერდა,
როცა ვხედავ რომ მიდიხარ.

გადამიყვარდი! გეწყინა?
დარდმა გაფანტა გრძნობები,
ბედნიერება მეც მინდა
და შენით აღარ მოვცდები!

გადამიყვარდი! მატყობ ხო?
ცრემლებიც უკვე შევიშრე,
თუ ცდილობ მარტო დამტოვო,
არც უშენობას შევიმჩნევ.

ახლა გიყვარვარ?! მერე რა,
მეც განვიცდიდი იგივეს,
ამჩნევ?! სიტყვები გერევა,
როდესაც სხვისკენ მივიწევ.

გადამიყვარდი! მომწყინდა.
აღარაფერი მაწუხებს.
ახლა წინ წასვლა მომინდა
და აღარ ვფიქრობ წარსულზე.

გადამიყვარდი? არ ვიცი...
ნუთუ ეს გრძნობაც ქრება,
თუ სიყვარულიც მთავრდება,
მაშინ რა გრძნობა რჩება?!

ა.ჰოFFმანი