მინდა, რომ ისეთ დროში ვიცხოვროთ,
სადაც სიყვარულს სხვა ვერ დაგვიშლის,
მინდა ისეთი ნდობა გაგვიჩნდეს,
ყოველთვის მითხრა თუ რას განიცდი.

მინდა, რომ ისეთ სახლში ვიცხოვროთ,
სადაც ღიმილი ცრემლზე ხშირია,
მინდა, რომ გული ისე გაგითბო,
არასდროს მითხრა, რომ ის ცივია.

მინდა, რომ შეძლო ჩემი ატანა,
არასდროს არ თქვა: ,,მგონი მომბეზრდა…”
მინდა, რომ ყველა ფიქრი გაგანდო
და სულ გიყვარდეს ჩემი მოსმენა.

მინდა ძილის წინ ოცნების ნაცვლად,
ჩვენმა გრძნობებმა გამხადოს თბილი,
ჩვენი ოჯახი მინდა შეიქმნას
გერმანული და ქართული სტილით…

მსურს რომ ერთმანეთს შევმატოთ ძალა
და სულ ჭარბობდეს ჩვენში იმედი,
ამ სიყვარულის აღსაწერად რომ
ვერც კი იპოვოს ხალხმა სიტყვები!