მერე რა....

მერე რა, თუ შემიყვარდა წვიმა,
და მის ხმაში შორს გავყევი ფიქრებს,
მერე რა, თუ დამავიწყდა ზღვარი,
ფიქრით მაინც ხომ მთებს გადავიფრენ.

მერე რა, თუ შემეჩვია დარდი,
და თუ ღამით უძილობა მიტევს,
მერე რა თუ მოწყენილიც ხშირად ვარ,
და ტკივილსაც ასე ჩუმად ვითბენ.

მერე რა, რომ ყველამ ერთად დამტოვა.
მუზებსაც კი გაუხუნდათ ფერი.
მერე რა, თუ ისევ იმ ადგილას ვდგავარ და
გულმოდგინედ შენს ნაბიჯებს ველი.