რამდენი თვეა გიცდი
შენზე დავდევი ფიცი,
უიმედობით დაქანცულს
უარს, რომ მეტყვი, ვიცი

შენზე ოცნება მკარნახობს
როგორი ძლიერი ქალია,
არა და არ მესიზმრებოდი
ნუთუ, ძლიერი ქარია,

მსურდა, ეს ჩემი განცდები
გულღიად გამომეხატა,
სათქმელს წინ გრძნობა უძღოდა
გულს შენი სახე ეხატა,

სხვა სიამე თუ ვინატრო
დამიძვიროს მზემ სხივები,
ამ ჩემს გულში შენ ბინადრობ
შენ კი სულ სხვას ესხივები,

ახლა წლები ისე მიჰქრის
ჩემს სიღრმეებს ვინ ჩასწვდება,
ვინ რა იცის რა დღეში ვარ
ან ეს გული რაზე მწყდება,

დავხატავდი ვარდებს ნაზად
გაჟღენთილი სხვა სურნელით,
სიჭაბუკე კვლავ ხალისობს
ნანატრი და სასურველი,

გულს ვებრძვი თუ გული მებრძვის
თვით არ ვიცი, თუ რა ხდება,
ოღონდ გული გულობდეს და
სიყვარული ნუ წახდება.

ი.ჩხარტიშვილი