გაიფანტა გრძნობები და ფიქრი,
როგორც ყელზე შეწყვეტილი მძივი.
არც კი ვცდილობ მოვაგროვო ისევ .
მაინც ვეღარ გამრთელდება ვიცი.

ვიცი სადღაც ჩემნაირად ფიქრობ.
შენ რომელსაც ვერასოდეს გნახავ.
მაგრამ მაინც უცნაურად მხიბლავს,
შენი სევდა ჩემგან შორს და სხვაგან.

ხელის გულზე მარგალიტის მძივებს
დავყურებ და მეღიმება კიდეც.
აი დარდი, აი სიხარული.
აირჩიე, მოიხდინო იქნებ.

შენს მსგავს სევდას დავატარებ გულით,
მე რომ ვფიქრობ შენზე, ესეც იცი...
ვაბნევ ცაზე პარალელურ სიზმრებს,
როგორც ყელზე შეწყვეტილი მძივი...

ვე რა